secondo anniversario della morte di pre toni

Secont aniversari di pre Toni Beline
Venerdì 17 Aprile 2009 10:57
In ocasion dal secont aniversari de muart di pre Toni Beline, e vignarà fate une messe in so ricuart a Visepente di Basilian joibe ai 23 di Avrîl a lis 20.00. In chê ocasion e sarà inmaneade une iniziative che e à voie di meti adun lis testemoneancis di cui che al à cognossût e vivût pre Toni: testemoneancis fatis di fotografiis, scrits, intervistis e altri ancjemò, cu la voie di podê organizâlis e publicâlis par ducj chei che a vessin voie e plasê di puartâ indenant lis ideis di chest om, che cul so lavôr e testemoneance al à dât un jutori no di pôc tal cjapâ cussience de particolaritât di jessi furlans, no dome dal pont di viste gjeografic, ma ancje storic e culturâl, par tocjâ il politic e l'etiche, soredut intune suaze come chê di vuê li che l'omologazion globâl e culturâl e pâr nivelâ dut viers il bas. Par contats e informazions: 0432 764381 o ancje 0432 848882, vie pueste eletroniche: mauro.della.schiava@alice.it

fonte: http://www.friulweb.eu/index.php?option=com_content&view=article&id=340:secont-aniversari-di-pre-toni-beline&catid=69:marilenghe&Itemid=84