GLESIE FURLANE ADUN CENCE PRE TONI BELINE

GLESIE FURLANE ADUN CENCE PRE TONI BELINE
IL SEGRETARI: "UN AT DISPOTIC IL BLOC DAL MESSÂL PAR FURLAN A ROME"

Per prime volte daspò la muart di pre Toni Beline, Glesie Furlane si è metude adun te sô sede simboliche di Vençon. Il diretîf al à confermât tant che Dean Zuan Pieri Biasat e segretari pre Tonin Cjapielâr. Invezit, il gnûf vicepresident di Glesie Furlane al è bonsignôr Roberto Bertossi di Vençon. Da pît de celebrazion in memorie di pre Toni, a son stâts ancje ricuardâts i prossims apontaments: sabide ai 30 di Jugn e sarà une cunvigne a Glemone par rifleti su la opare culturâl di pre Antoni, mintri che domenie ai 15 di Lui Glesie Furlane e celebrarà la messe dai Sants Ermacure e Fortunât te basiliche mari di Aquilee.
Come che al declare il segretari di Glesie Furlane,  “i sorestants de Diocesi a vevin imprometût par cheste fieste la presentazion dal Messâl Roman par Furlan, ma i Vescui a rivaran a Aquilee scjassant lis mans. Di fat il messâl al è blocât te segretarie de Conference Episcopâl Taliane (Cei) a Rome. Un at dispotic, une grande injustizie viers la nestre glesie e popul. Glesie Furlane, continuant te memorie e tal spirt di pre Antoni, tradutôr de Bibie e dal Messâl, si impegne a cjaminâ su la strade che lui al à segnade par une gnove glesie plui evangjeliche e pal ben dai furlans”.

29/05/2007

Fonte: http://www.lenghe.net/read_art.php?articles_id=1268&PHPSESSID=f9e38da759373989d9977e3baaf28d15