MANDI PRE BELINE ANCJE DA NOU

MANDI PRE BELINE ANCJE DA NOU
UN GRANT OMP, UN PREDI SCLET , UN CULTURAT FURLAN CENCE PARAGONS NUS A LASAT


23 di avril dal 2007
-Pre Toni Beline al è muart usgnot passade, daspò di agns segnâts de malatie che, dut câs, no veve rivât a cidinâlu. Al jere nassût intal 1941 a Vençon e intal 1965 al jere stât ordenât predi, davuelzint il so ministeri pastorâl prime in Cjargne e po a Visepente. Proprietari de testade "La Patrie dal Friûl", par agns le à curade in prime persone cjapant in man la ereditât di oms tant che Felix Marchi, pre Josef Marchet e Marie Del Fabro, ma al è lât indenant fin sul ultin a stâi daûr al lavôr di redazion. Al à scrit diviers libris e une vore di articui (al curave ancje une rubriche fisse sul setemanâl "La Vita Cattolica". La sô opare plui grande, metude jù cun pre Francesc Placerean, e je la traduzion de Biblie par furlan. Come autôr, invezit, al à scrit libris tant che "La fabriche dai predis", "Siôr santul", "Pre Pitin" e altris ancjemò. Cofondadôr dal grup di "Glesie Furlane", al è stât un pont di riferiment par tancj di lôr, che a son in prime linie inte difese dai dirits linguistics e nazionâi dal Friûl. Cun pre Toni, il Friûl al piert une des vôs plui fuartis, plui scletis e plui significativis che al à vût tai ultins agns.

Tratto da: http://www.viverearagogna.it/pagine/articoli/ragognaoggi129.htm